Pages

ماتقربش من حاجاتي لاتروح ورا الشمس وحلسوعك

ماتقربش من حاجاتي لاتروح ورا الشمس وحلسوعك

Thursday, May 6, 2010

ازاز متليط


خيال مآتة بيحرس صوت ..مدينة ملاهي في بطن الحوت
احساس خرافي في كون كان ضلمة .. ولما اتنور شفت الموت
..
اوهام بترفع احلام لفوق ...واحلام بتولد شمس شروق
تديك نفس من بعد الخنقة ...بنسيم لطيف مش هوا محروق
..
اياك تصدق حاجة تتقال .. جوة الخرابة فدادين جمال
اولاد يومين بيشقوا الذرة .. وعقول كبار في ثبات تمثال
..
وقلوب مسوجرة عليها ترباسها .. وعيون بشوق علنت افلاسها
الوانها بهتت في روتينها طهقت..في وسط شعوب فصيحها اخرسها
..
وناس بتجري في اوهام راسها .. وناس غلبها قلمها وكراسها
وصوت صدى جوامعها واجراسها ..مايهز شعرة في بطون جبال
..
طاقات تتفجر في فن ورقصة .. وطاقات مدفونة في علبة صلصة
وعايزة تعبر عن مشاعرها .. مش بتعود او بممارسة
اشعار بتعرج وكلام بيزك ..وابيات بتقع واوزان ناقصة
ده وصف نفوسهم بشوق لفلوسهم اكتر م الحزن في يوم النكسة
...
بس في ناس بتعلي الرقبة ..وبردو في ناس واطية ومتراقبة
وناس بفلوسها كفتها غالبة..وان كان مجرم او محتال
..
بدر اكتمل بخط منقط ..عقد الامانة معظمه متفرط
كل انسان فيه جزء بيغلط..في سنين جبار وفي لحظة يعيط
جيب الاخلاق مرقع متخيط
والاستفزاز ده ازار متليط
ماتشوفش وراه حقيقة مجدية
اصل الحقيقة سراب متسيط

محمد عبد المنعم عطية ... راديو عالنت

ايه رأيك في مدونتي؟؟

ياما في الجراب يا حاوي


MusicPlaylistRingtones
Create a playlist at MixPod.com