Pages

ماتقربش من حاجاتي لاتروح ورا الشمس وحلسوعك

ماتقربش من حاجاتي لاتروح ورا الشمس وحلسوعك

Tuesday, June 22, 2010

اسرائيل اولا



ابوس ايدكو اصحو ...انتو مش حاسين بالوكسة
مفتي الازهر افتى بحرمانية اصدار كتب الكترونية عالنت دون علم صاحبها
يافرحتي بالمواضيع الهادفة
ده على كده نشر اغاني على موقع ترب توب حيدخل صحابها جهنم
والعيال اللي بتطلع تبوس تيمو عالمسرح .. يا فرحتي بيكو يا جيل الطلائع
انا ممكن افرح بيك لو انتا ابتكرت طريقة جديدة عشان تبوسه بيها .. لكن تطلع تبوس كده عالمسرح زيك زي غيرك؟؟؟
يا ايتها الامة العربية .... جاتكو وكسة
انا اخر حد عربي اصلي معتز بوطنه سمعت انه عمل حاجة تفيد العالم كانت في العصر العباسي
ابن سينا وابن روشد وابو الاسود الدوؤلي والحسن البصري
بيتلوو في قبورهم بسببكو ...تعرفو اوروبا اللي احنا انهاردا كل حاجة واخدينها منهم دول كان زمان في وقت اللي انا بكلمكم عليه ده مش
عارفين الالف من كوز الدرة
دلوقتي بكل بساطة ..اقصى انجاز يحققة انسان مصري هو
من البيت للشغل ومن الشغل بالبيت ..يا فرحتي بيك
واقصى معاناة بيحس بيها هي سخونية كباية الشاي اللي بيشربها كل يوم على مكتبه
وفي الاخر يقبض يصرف على بيته والفلوس تروح فا يضطر انه يقعد على مكتبه تاني ويتلسوع من الشاي تاني
عشان يسد احتياجات مراته اللتاتة اللي مش بتبطل طلبات ولا بص على الجيران
........
انا في اي مسابقة عن اي حاجة في الدنيا معمولة في العالم ...انشالله الفنكوش
بلاقي فيها مش اقل من 3 من اسرائيل
و 2 يهود مش من اسرائيل
كام واحد مصري؟؟؟0 كام واحد عربي 0
نحن قوم الكليبات...انا مش ضد الكليبات بس الكليبات اللي بتوصل فكرة ...ياعم طلعني القمر ولو في كليب
ماهو الامريكان طلعو القمر في الكليب بس
كان ليهم ضلين وعلم امريكا مرفرف
اعمل اي حاجة غير ان واحدة تطلع ترقص..
حفظناهم صم ... واقدر اسمعلك كل حته فيهم
طب اصلا بالذمة ده عدل؟؟؟؟؟ هل انتا مابتعرفش تفكر؟؟؟ ومستغرب انك بيقولو علينا عالم تالت
على فكرة الموضوع مش موضوع فلوس بقا عشان ماننتش على بعض
اليابان ابتدت من الصفر بعد ما الامريكان فطسوها بالقنبلة
وفي ظرف 20 سنة بقت بتافس
ودلوقتي بقت دولة عظمى ..ومش بعيد عملو نسخة منك تروح تشتغل وتخترع وانتا قاعد في بيتك بتتلسوع من نفس كباية الشاي
اللي كانت على مكتبك كانوع من الاحساس بالتعب والمشاركة الوجدانية للروبوت
انتا عملت ايه؟؟؟؟؟؟؟؟؟؟
بنيت الهرم ..طظ..انتا مابنيتش الهرم.. اللي بناه ناس من 7000 سنة كان شكلهم متغير عننا كتييييييييييييير
وبعدين انا متهيألي ان الهرم بناءة مكانش تعذيب زي الافلام مابتقول
انا متهيألي انهم كان في حاجة كساد وتفرقة وطنية ..وكان في بطالة كتيرة
فحبو انهم يوحدو صف مصر وبردو يخفو البطالة اللي كانت موجودة ...والا كانو يرمو الميت بتاعهم في اي بلاعة وخلاص
..
نرجع تاني ..اتصرف بقا اعمل حاجة ...بص يا عم انا حمشي معاك انتا كويس
ومخترع حاجات جامدة تنين ..الدولة مش مسعداك؟؟؟ انتا مستني ليه حد يساعدك اصلا؟؟؟
كون نموذج صغير من افكارك وانا اهو وانتا اهو ان مكانتش الناس حتجري وراك
بس اعمل حاجة مش عشان تتشهر .. طظ في اسمك انتا كده كده حتتدفن تحت التراب
مش حيفضل الا عملك..
انا متأكد ان ناس كتير بتسمعني دلوقتي مش عارفة ممكتن تخترع ايه؟؟؟؟؟ خلاص يعني الدنيا مقفلة اخترعو كل حاجة؟؟
اصلا انتا لو بصيت لفكرة صناعة المعلقة حتلاقي ان اصلها حفرة .. كانت بتتجمع فيها المطر .. وفضلو يحنتفو في شكلها وفي انحناء دراعها عشان تريح الايد
دي فكرتها لما اتعملت لاول مرة
انما لو حاجة حتعدل بيها فكرة وحتققلك ارباح بردو.. على سبيل المثال راني اللي بيشربه فيكو ..كانت الحبوب اللي فيه مش بتنزل علشان الفتحة ضيقة ...والحكاية دي كانت رخمة اوي فيه .. وبعد فترة قدرها سنة .. وسعو الفتحة عشان تخلي قطع الفواكة كلها تنزل
اصلا الحاجة ام اختراع....اعمل اي حاجة ابوس ايدك
احلم حلم واسعا وراه...ماتقلقش انتا بسعيك ده حتاخد ثواب كبير اوي .. لان اصلا احنا موجودين هنا عشان نعمر الارض
خلي يا عم تفكيرك كله منصب ناحية منتخب مصر
متوقع يبقا منتخب مصر موجود في كل مجال حياتنا
وحيجي اليوم اللي ناخد فيه كاس عالم كمان
سواء كروي او فكري او فني او تنمية بشرية او علوم..وجايز نخترع حاجة تخلي الكمبيوتر ده مجرد خردة تتباع في الوكالة

والنبي اعملو حاجة
محمد عبد المنعم عطية
راديو عالنت
ان شاء الله بتاريخ 25/6/2010

Thursday, June 17, 2010

كوافير حريمي




انا النهاردا قررت اني اسيب كل الحاجات اللي انا بعملها في حياتي
وقررت اني اتفرغ لشغلانتي اللي انا كان نفسي اشتغلها وانا صغير
وهي اني اكون كوافير حريمي
فقررت اني ارمح بخيالي شوية عشان اشبع عقدة النقص اللي عندي اني مش كوافير حريمي
تعرفو انها شغلانة تحفة اوي بمعنى الكلمة ..فككو من التظبيط ومعاملة الجنس اللطيف
اكيد لو كنت كوافير حريمي كنت حبقى ناجح اوي ..
لاني كنت حعمل شغلي بضمييييييييييييير
ياما بيورد عليا من اشكال والوان .. بس ببقا في قمة السعادة لو اللي انا بهرش في راسها دي
كانت حلوة ..يا سلام دانا ساعتها بطول على قد ماقدر في الوقت مش بعيد تقعد عندي 3 ساعات
وساعة ما يكون عندي وحدة وحشة وقاعد شغال في راسها ..بكون مش على بعضي عايز اخلص بقا
وبكروتها وبعملها تسريحة اي كلام واخرها معايا 5 دقايق

في يوم كانت عندي عروسة وانا بكون قمة السعادة ساعتها لان اخر واحد بيلمس شعرها في حياة العذوبية
بيكون انا
:D
بعد ما العروسة مشت وجم اهلها يزفوها عشان يودوها الفرح كانت الساعة 11 فا قعدت ساعتين وبعدين لقيت الرجل خفت
على المحل .. فاقلت اقفل وانا بشد السيشوار من الفيشة .. حصل ماس
ولقيت السيشوار بيطلع دخان
انا بعد ورجعت لورا ...
لقيت طلعلي عفريت من السيشوار قاللي طلباتك ايه
واكمني انا بتفرج على افلام كتير
فا كنت متوقع حاجة زي دي فا ماتخضيتش
قاللي طلباتك ايه يا مونبيه...قلتله بنت حلو وشاليه
راح قايللي ان كان على الشاليه اجيبهولك في مارينا قريبه وبسعر كويس
لكن البنت ...لا يمكن طول مانا عايش
فا اتضحلي بعد كده ان العفريت ده كان عازب وفاته قطر الجواز ومافيش جنية راضية تعبره
ومنفسن منهم اوي
وانا من المناظر اللي بشوفها في المحل عندي مش قادر الصراحة
كلمة مني كلمة منه اتخانقنا
اخر ما غلب معايا .. قاللي طب انا حثبتلك اثبات السنين
فا انا قلتله .. اشطة تنين
.. فا راح قايللي مش انتا كوافير حريمي ..قلتله اه ..قاللي انا حخلي صوابعك دي لما تلمس اي واحدة من زباينك
حتقرا افكارها ..صوابعك اللي سبب سعدك هي اللي حتعرفك قيميتهم
فا فعلا عمل كده..
تاني يوم جيت بفتح المحل.. وبمارس شغلي عادي وكلي شوق ولوعة افهم اللي بيفكر فيه زبايني
...
دخلت اول زبونة ودي كانت يا سلام حلوة اوي اوي بقا.. حاجة ولا يا ولا
بنوتة حاجة بتاعة 26 سنة كده وعاملة هايلايت اصفر في شعرها ومعاها قطة سيامي حنكوشة منكوشة
فا قلت ايوا هي دي فوتات احلامي اللي بتمناها
اول ما مديت ايدي على شعرها ..سمعتها بتقول جوة نفسها: يارب يعمللي شعري المرادي حلو بقا
كل مرة بيعملهولي وحش .....انا قلت عادي ده رأيها...بعد كده لقيتها طلعت الموبايل
قالت الو ..ايوا ازيك يا سماح ..ايه اخبارك.. ايه عاملة ايه .. وازي الواد ايمن لسه بيبعتلك الرسايل اياها
...انا شلت ايدي بسرعة احسن اسمع الرسايل اياها..وبعدين مديت ايدي تاني بحذر ..عشان اسمع الرسايل اياها
:D
راحت قايلالها بعد كده اشطة يا حبيبتي ربنا يهنيكو ببعض
..اول ما قفلت السكة راحت قايلة في نفسها..اه يا بنت ال.... مش ده ايمن اللي كان بيجري ورايا طول النهار
بقا عشان صحبتي تيجي بسهولة وتاخد مني " واحد من صحابي" ايه ده..طب والله لانا لاطشة منها الواد وائل
انا بقول لنفسي .. يانهار اسود ايه البنيآدمة دي ..دي ماتتعاشرش
خلصتها بسرعة بعد ماعرضت قدامي تاريخ حياتها اللي زي العسل
..قلت لنفسي مش كل البنات كده.. اكيد يعني مش حيبقو زي الولاد
...
دخلت واحدة غريبة اوي متوترة ..فا بدأت المس شعرها..ربع ساعة عدت وهي مافكرتش في حاجة
يا سلام ملاك يا خواتي .. دانا كدت افقد الثقة في البنات كلها
عدت الربع ساعة ..ولقيتها نطقت بحرف ال أ بتقطيع
وراحت قايله بسرعة ... انجز بقا يا بقف عايزة الحق اخد الجرعة
!!!!!!
جرررررررررررررعة؟؟؟؟؟؟؟ ينهار اسود .. دانا قلت عليكي محترمة
..
التالتة دي كنت بكرهها وهي اصلا وحشة..قلت ماتحكمش بالشكل .اكيد دي داخلها حلو
لمست راسها .. لقيتها بتبص جنبها على واجهة المحل الازاز ..وبتشوف البنات اللي رايحة واللي جاية
وهاتك يا شتيمة في اي واحدة حلوة معدية
انا قلت بلا نيلة ..يعني انتي اللي حتطلعي عدلة
..
عدى اليوم و دماغ تشيلني ودماغ تحطني .. و مافيش ولا واحدة عدلة ..
وفضلت مستني
ومستني والافكار كلها بتجري في دماغي
اكتشفت ان العفريت ده كان عنده حق
البنت بطبيعتها
نمرودة .. في الدنيا انا ومافيش بعدي ..انا اللي اعمل كل حاجة وانا الصح
البنات بتنفسن من بعضها تنييييين
جايز الولاد ينفسنو في الشغل..لكن البنات في كل حاجة حتى في الشكل
زهقت من الافكار والاحلام والكوافير الحريمي
والدماغ الحية... ونعود اللي الحاجات اللي مابتفكرش
الزلط والرمل والخرسانة المسلحة

مش عايز بنت تزعل مني.... انا بحلم بس

قشطة تنين
:D
Ms3a_miso

فاقد الاهلية الشعورية



انسان القرن ال.. اللي احنا فيه ده اصبح فاقد الاهلية للاحساس ..بقا البعيد جبل جبلنة !!!
يشوف حرامي في الشارع مايجريش وراه
يشوف واحدة بتتعاكس .. يبقا حابب الموضوع واشطة وفرحان اوي ومبتسم..لا ومش بعيد
يروح للي بيعاكس ده ويسلم عليه ويتصور معاه
يخبط في الناس ويقول للي ماشي في حاله "الله مش تحاسب يابن ال تييييييت انتا اعمى ولا ايه" و
المصيبة بقا لو طلع اعمى بجد ..ودي حصلت معايا
مما خلاني في منتصف هدومي يا معلمين
بس انا اكتشفت بعد كده انه ممكن مايكونش اعمى بس عامل نفسه كده عشان يخبط في الناس
ذكور او اناث ايا كانت ميوله اللي بيصرف فيها المسائل
طب انا كده اصدق مين؟؟؟؟
هل امشي تيس كده في الشارع؟ اخبط ماعتزرش تولع الدنيا بجاز؟
ماهو كل ده نابع من ايه ؟؟ من انقراض الساكسونيا
لو الساكسونيا مانقرضتش
يبقا مافيش اي قيمة للحاجة القديمة
يعني لو شفت واحد كبير .. مش حتضربله تعظيم سلام.. انما ممكن من تصرفاته النابعة منه على كبر
واللي كلنا ممكن نبقا زيه ونمشي نهذي في الشارع
ممكن تضحك عليه او تستهزأ بيه ..مع انه لما كان قدك كان بيساعد الناس الكبار
..
حصلت حاجات كتير في الايام اللي بسمعها دي .. مش عارف ايه السبب فيها
يعني نصيحة دلوقتي بتنصحها كل ام لابنها لما يجي يتجوز
بتقوله يابني مش عايزاك تقعد معايا في الشقة
وهي عندها حق على فكرة ..ليييه؟؟ عشان حيجي الوقت وتقولو ميسو قال ان العروسة حتحاول
تطفش امه من الشقة..ده فعلا
وحصلت قدام عيني كتيييييييييييييير
وه لان طبيعة المرأة زي طبيعة مرات الاسد كده..بتحب الكهف ليها لوحدها هي الملكة الوحيدة
مما يجعل الام بتحب تطفش من وش اي حد
لان ده حيخلي البقاء للاصلح ..وفي النهاية العريس هو الضحية
بس بالنسبة لو كان ليهم شقة لوحديهم هي الاساسية وانشالله تقعد في بيت حماتها كل يوم
بس في النهاية الحماة كسرت الحاجر النفسي بوجود بيت للعروسة فعلي
وده معناه ان البيت الحماة ده بيتها لوحدها واي حد مهما كان يعتبر ضيف
..
في حاجة كمان حصلت قدامي على ذكر العرايس الحلوين ..ابن باع عفش بيت ابوه لبتاع الروبابيكيا
منغير ما هما يعرفو عشان يتجوز في الشقة واخد كل الشقة
وسايب لابوه وامه اوضة وينامو على كنبتين ..لدرجة انه كده مابقاش بيتهم
والراجل ده مش عارف يدخل الحمام لحد انهاردا
وهنا بيجي دور المبولة في المجتمع المصري
..
Ms3a_miso

Saturday, June 12, 2010

شروخ في قتل




في كل خن في سبب تصبح سعيد وتنام حزين


وفي كل حلم نكد ركب مشروع حياة مرشوؤله فيه مليون كمين


وصايد حياتك بيوقفك ويعطلك


يتسلى حبة وبعد كده يستندل حتى يوصلك


وفين حبايبك اللي كنت زمان شايفهم بأستخفاف


وتضرب بعينك وتمد فيها وتشوف ملامح اخر المطاف


مشروع حياتهم بانت نهايته وضاعت منك انتا السنين


....


نفاق لسان بيطلعك فوق السحاب


وذلة لسانك تدفنك تحت التراب


احود شمالك تكون قوي .. اهل اليمين خفاف اوي


سيب الحقوق اسرق وزور و كل كتير منغير حساب


اصل المحل صاحبه سايبه تدعبثله فيه كل الايدين


....


مليون حقيقة في الكون غريقة نفسها داق تحت المحيط


وحتى السفينة اللي بحقها عايزة تنجينا في وسط المحيط تولع تشيط


وماينجا منها الا اللي كان عامل عبيط


مصدر دماغه لابن الخواجة يلعن في اهله وفي كل حاجة


ماهو عنده حق اصل الخواجة احن عليه مالاقربين


اعمى وحاسس اخر طريقه بالعقل ارحم من بصير متغمي العينين


.....


شروخ في بيضة للي صابر كبرت وفقست


وفراخها طارت مع ان الفرخة جناحتها ملت


من وزن زايد ..وحتى لو في والوزن قلت


طيرانها ده من المستحيل لو هي شايلة واحد تخين


....


دي حتى تكون دي اخر خلقة في وشها


خلقة الواد التخين اللي كان بيشدها


طفلة بريئة و100 الف حد يغشها


يقتل براءة وتبدأ شروخ ناس سفاحين


Ms3a_miso

Friday, June 4, 2010

انتا ... بطيخة



الانسان بطيخة في حقل الحياة

اتولدت قرعة

وحتموت حمرا

....

بس في الاول وفي الاخر هي بردو بطيخة

Wednesday, June 2, 2010




جحر مغارة في كوكب بيتنا عاش فيه فار من الفرافير

بطلها الشعبي فاز بالجبنة في وسط اسامي من الاساطير

لساه عايش في جحره الاسود لساه خايف من انسان

يشوف رجلين يموت من خوفه وعضامه ترعش من التأثير


فارنا صاحب املاك ومرفه مش واخد فيه على ذل فيران

في فران غيره مش لاقية المأوى تايهة في وقت وبلا عنوان

واغنى ما فيها في عجلة بيجري في قفصه يعيش ومالوهش جيران


فارنا اتعرف على فرفورة في وسط مكان قمة شاعرية

في منور بيتنا كانت صورة اجمل عيلة انتحارية

اصل عريسنا من المنصورة وفارة عروسته اسكندرانية
:D :D

اب وسايب في حجره العيلة وابنه الفار لساه عيان

وراح يجيب لعياله الجبنة اصله بطل يبقا جبان

اصله مخاطر مهما حصله علشان عيشته هو وعيلته
والمصيدة وقفت لكفاحه وكان في الجبنة سم فران
Ms3a_miso
من ابداع لحظة
thanx peter

الهجوم الاسرائيلي على سفينة مرمرة Israel's Attack on Marmara Ship

Tuesday, June 1, 2010

ان الحرام يتتبعني


اصوات انفاس تتذلل للاذن

تبث الى افكارك السواد

يحمر لها الجبين خجلا

ويصبح بها الشرف الرماد

...



ماذا دهاني العيب مني ..

كان لا يحمل لقلبي حياء

صار الجحيم والموت جني

ينجي العليل من كل داء

....



انفاسها تتسلل نفسي

تدعوني الى ذل الكرامة

مع مرأة تكاد تكون تاكسي

تركب شوية ومع السلامة

...



تكون لذة في فيض ضيق

لكنها لا تصلح ان تكون رفيق

تأخده معك طول الطريق


تكون محطة في قطار حياتك

تنام فيه وتستفيق

حتى يخرج من نفقها المظلم

نور يبشرك بطريق

اما تكون في النار هالك

او ان تكون في العار غريق


Ms3a_miso

ايه رأيك في مدونتي؟؟

ياما في الجراب يا حاوي


MusicPlaylistRingtones
Create a playlist at MixPod.com