Pages

ماتقربش من حاجاتي لاتروح ورا الشمس وحلسوعك

ماتقربش من حاجاتي لاتروح ورا الشمس وحلسوعك

Tuesday, December 20, 2011

ذات الرداء الاحمر


يا رفاق !!!! 
ذلك الشاب المتعدد الاشكال .. فأما ان يكون مثقف جدا ومتنور جدا ودماغة توزن بلد ( وانا بحب النوع ده جدا) واما ان يكون الشاب ذو   اللحية والشعر الغوغائي والكأس الاصفر .. اوالروايات الجريئة وعلامة النصر وكوفية النضال الفلسطيني  
ماهية  الاشتراكية او الشيوعية بمعنى اعم واشمل 
هي فكر ثوري بحت ممنهج من ماركس وجيفارا ولينين ورواد الاشتراكية 
واللي عايز يفهم يتفرج على فيلم السفارة في العمارة بالظبط  .. يتغذى على الثورة ذو مبادئ براقة يقوم على قواعد خاصة من فئات معينة وطبقات من المجتمع .. وقوده العمال والحركات الطلابية
 تولد في رحم المجتمع الشديد الرأس مالية .. من اذيال المجتمع والمهمشين .. من اطراف المجتمع وتبدأ بالتوغل بمبادئها وسياستها داخل هذه العقول المتشوقة الى العدالة .. فتضمهم وهم يقتنعون بها .. فيقنعون اشخاص اخرين وهكذا .. الى ان تقوم ثورة .. فتنقلب الدولة الرأس مالية الشديدة  رأسا على عقب بكل مؤسساتها مهما كانت .. فتهدم كل شئ .. وتبدأ على نظافة ..
مجتمع جديد كليااااااااااا .. مختلف الثقافة .. فيه الكل واحد نفس المأكل نفس الملبس .. نفس المسكن ( للاسف ) فلا مجال للابداع 
من سلبياتها الشديدة بالنسبالي .. انها تقتل الابداع .. فالكل واحد .. فقير جدا .. تكثر من الطوابير .. ليس من حق احد ان يتنفس دون اذن الدولة .. فهي ام الروتين .. فكل شئ يبدأ عندها من الدولة .. فهي الام التي تؤكل اطفالها بأيديها .. وتوظفهم في المكان الذي تريده 
وليس على حسب كفائتهم .. ولكن على حسب الحاجة فيمكن ان يعمل خريج كلية علوم في مصلحة المجاري 
 فأذا نظرنا من جوجل ايرث نجد شرائط .. واذا دققنا النظر اكتر وعملنا زوووم .. ايه ده .. دي طوابير ..فالكل يقف على المجمعات الاستهلاكية .. مستنيين اللحمة والفراخ 
ولا يكون هناك حرية رأي 
ولا حتى رأي سوى رأي الحاكم المستنير ..
فالكل تابع وخلاص مع الحاكم على الصح والغلط والحلوة والمرة 
وخير مثال عبناصر .. دولة اشتراكية بحتة مصر في الستينات والخمسينات .. دولة ذات شكل واحد وعمائر واحدة والوان واحدة ..
وقرارات واحدة وروتين وطوابير .. 
دولة اللون الاخضر ( الاخوان المسلمين والجماعات الاسلامية ) هي رأي يجب اعتقاله و القضاء عليه .. كان ايام عبناصر .. الاخوان دول مكحوتين في السجون .. وهربانين من مصر في ليبيا وغيره 
فكره الاحمر للاخضر اكثر من كره الاحمر للرأس مالية .. 
المهم ان الدولة دي ليها رأي واحد .. ولا ديموقراطية فيها 
فلا يوجد مجلس شعب اصلا من اساسه .. ويكون عوضا عنه .. الاتحاد الاشتراكي 
كان هايلامااااااااااااان كبير يااااااااااااه ده عضو في الاتحاد الاشتراكي ... اوووه 
ولو بصينا على الافلام اللي في العصر ده حنلاقيها تقريبا نفس الشكل والمضمون ..
زي فيلم الايدي الناعمة مثلا .. 
زي فيلم لبنى عبعزيز ورشدي اباظة بتاع هاميس ده .. لما كان بيقولها نبني هرم ولا نبني مصنع .. فا قالتله نبني مصنع 
منكرش ابدا انه كان عهد كويس وكله انتاج ... بس مكانش فيه بيع ... ماهو كلو فقير .. 
برميل مليان ماية  بس مسدود من كل حتة  لا بيخلي اللي برة يشرب ولا هو اصلا مستفيد حاجة من ان الماية جواه 
ماحنا كنا ضد امريكا على طول وحلفاء الاتحاد السوفيتي
جايز كان عهد انتاج .. بس الفقر بيقتل الانتاج .. فا بيتحول لكساد .. فا سعر العملة يقل .. 
فا اصلاح زراعي فالفلاح يتملك الارض وتمر السنين ويقرف من الطين فايبيع الارض ويتبنى عليها عمارات ... 
فا نخسر ..
فا نتجه الى مشروع قومي .. فينجح وهو قادر على ده لانه قادر على توجيه جماهير
بس في الاول وفي الاخر 
نظام مخوخ زي الباقي على اد ما فيه مميزات كتير .. على قد مافيه عيوب زيه ويمكن 
اكتر .. 
..............وما اكتر الافلام اللي اتعملت عن انتقاد للنظام ده زي احنا بتوع الاتوبيس وفوزية البرجوازية و الكرنك ومسرحية عالرصيف 
وزي ما حكتب في كل موضوع عن فكر سياسي ... كلها مصالح وحروب افكار .. وكله سلف ودين  
دنيا لا بتخلي اللي راكب راكب ولا اللي ماشي ماشي

Saturday, November 19, 2011

ماما امريكا

تحليلي الشخصي لل 60 سنة اللي فاتت من عمر البلد
وبعد الغدر ب محمد نجيب واللي ناس كتير اوي ماتعرفهوش وممكن مايكونوش سمعو عنه اصلا 
مع انه لو كان حكم مصر كان تاريخ مصر اتغير 180 درجة 
.....
كان ياما كان .. كان في انقلاب عسكري حصل علي الانقلاب العسكري اللي عمله محمد نجيب واعوانه 
وهذا الانقلاب على الانقلاب قام به محبوب اغلب الجماهير .. جمال عبد الناصر ..
ومجلس قيادة الانقلاب .. عبد الحكيم عامر .. والسادات .. وغيره كتير 
وحكم عبد الناصر .. الديكتاتور الاشتراكي ..
وكان من قراراته ترقية عبد الحكيم عامر وتنطيطه على كل الاقدمية وتوليه الجيش 
وتحول المسار الاقتصادي من مصر من البارد الى الساخن مرة واحدة .. التحول المباشر من رأس المالية المفرطة الى الاشتراكية الغامقة
كان في الوقت ده الروس كانو في الرمق الاخير 
وكان عبد الناصر مناصر ليهم .. وده اللي اغضب ماما امريكا 
عبد الناصر كان واقف مع الحلقة الاضعف ..وعشان كده مسلكش
التطور الطبيعي للامبراطورية الناصرية هي التقدم بشدددددددددة 
عبد الناصر هو فعلا اول واحد وانا اشهدله بكده اسس نظريات الشركات في مصر 
شركات في كل حاجة 
نسيج وبترول ومقاولات وكل حاجة 
وكانت بالفعل الشركات دي بتدي انتاج رهيب فوق الوصف 
بس للاسف .. عبد الناصر عمل غلطة 
وهي خلى الكل سواسية 
فا الكل فقير .. ومافيش اغنيا .. وبالتالي مافيش فلوس.. فامحدش حيشتري ..
فا تترطرط البضاعة في المخازن ..نعمل فيها ايه نعمل فيها ايه ... طب ما فكرة .. مانصدرها بره 
ها ها ها ها 
عندك يا حلو .. مش انتا اشتراكي .. ضد اسرائيل وامريكا وتبع روسيا 
آدي دقني لو حد اشترى منك حاجة 
ودي كانت احدى الضربات لعبد الناصر ..مع ان الراجل ده عمل اول عربية مصرية .. حاجة احنا مابنعملهاش دلوقتي 
ومع سياسيات عبد الناصر المشتتة على العرب .. وعدم الالتفات لمصر .. بالاضافة للظلم والاعتقالات للمعارضين 
سقطت الامبراطورية العربية قبل ان تنشأ 
وجاء من بعده السادات ليتحمل الهزيمة ..
وكان الناس بيضحكو عليه .. ويستهزأو بيه قبل 73 
وكان بيكتم على الموضوع .. حنحارب .. مش حنحارب .. لغاية ما ضرب فجأة 
و اتحقق النصر 
وساعتها قلب السادات الطرابيزة .. ومديلهم ايده .. مش خيانة .. لكن ذكاء .. عارف انه حيحصله زي عبد الناصر 
عشان كده قرر بدال ما امريكا تنغص عليه عيشته .. وتعتبره عدو هو يقنعها انها صديقة .. وان دولته بقت رأس مالية
وعمل ما يسمى بالانفتاح .. كان ايه معالمه الله اعلم .. بس المهم يقنعهم انه رأس مالي 
واستمر . .. واستمر .. لحد الاغتيال 
وجه مصيبتنا الكبيرة 
اللي قرر يكمل طريق السادات في التعالم مع امريكا كحليف .. وصديق ..وبناءا عليه ارتفع مستوى معيشتنا شوية ..
عشان صاحب العو .. واللي يصاحب العو .. لازم يشوف في الضلمة ضو 
وضاعت اسباب تقدم عبد الناصر .. حتى شركاته اتباعت او اتقفلت او اتخصخصت 
الخصخصة دي كانت اكبر ضربة للاقتصاد اصلا
وتحولنا من دولة منتجة بتعرج .. لدولة مستهلكة بتريل .. او دولة مدمنة .. مستنية الجرعة اللي بتفوقها
..............................................
اتسائل 
مين من بين الرؤساء القادمين حيطبق ايه وليه 
انا شخصيا شايف البعض بطريقة .. قد تكون مش فيهم .. او فيهم  .. بس ده رأيي
حبدأ بالابجدية : اولا احمد شفيق 
بعد ما قرر يرشح نفسه .. معرفتش غير اننا على وشك سياسة متتالية او متكررة لسياسة مبارك والسادات .. في تباعة امريكا .. دون انتاج او ان تصبح دولة رائدة .. متهيألي انها حتكون امتداد لسياسة يالا ومشيها .. والعودة لايام الوزير البيه 
...............
ثانيا العوا .. العوا قد يكون مصلح .. بس مش بالقدر الكافي خاااااااااااالص ..حيكون واخد موقف الحياد .. منها خلقنا واليها نعود .. لحد مايخلص فترته ويمشي 
ثالثا حازم صلاح ابو اسماعيل .. لو اتكلمنا عنه بموضوعة ومع سياسة السلفية .. بالنظر للسعودية ... السعودية حليفة لامريكا جدااااااااااااااااااااااااااااااااااااااا فلوسها كلها امريكاني .. فا بالتالي مش امريكا اللي تقف ضد حازم صلاح ...بالعكس دي حتأيده .. الا .. لو اتك على سر الغضب .. اسرائيل .. 
قد يكون حازم مصلح .. انا على يقين انه حيصلح مفاهيم متشقلبة عندنا .. بس حيفرض علينا بردو مفاهيم متشقلبة عن السلفية 
يعني متهيألي حبة على حبة حيكون الحاكم مدى الحياة.. ومافيش احزاب .. وممكن يكون مافيش انتخابات مع التطور ده .. اصلا حننتخب مين ماهو مافيش احزاب .. غير كده اكبر كارثة في الدنيا .. الخروج عن الحاكم وحنرجع تاني لسياسة الخوارج وممنوع الاعتراض .. وحيستخدم الحد في تطبيق شرع الله .. مع الحد من وجود معارضين بردو ..قد يكون كل الكلام ده مش في عصر حازم .. بس حيكون هو البداية لظهور الكلام ده فيما بعده 
كان محمد علي كويس ... بس فاروق من احفاده 
رابعا : عبد المنعم ابو الفتوح : وجهة نظري انه الاحق .. على الرغم انه غير محب للتدليل على نفسه والشهرة والاضواء وعلى الرغم من كده انا مش بفكر انتخبه مع اني حابه جدا ..
عبد المنعم ابو الفتوح زي عبد الناصر .. ومش زي عبد الناصر محب للتملك والادارة .. حابب يكون هو الكلمة لاولى والاخيرة .. وهو يستحق .. بس مش ده اللي محتاجينه دلوقتي .. انا منتظره في الفترة الثالثة للرئاسة 
خامسا عمرو موسى ... الكلمة الوحيدة اللي قالها عدله انه عايز مصر فيدرالية عشان الادارة اللامركزية .. غير كده خد منه الجملة دي  وحطه جنب الحيط اشتراكي وناصري بالاسم فقط قائل وليس فاعل 
سادسا .. واخيرا محمد البرادعي .. متهيألي انه حيكون حليف لامريكا تماما ..بس المختلف عن حازم صلاح ابو اسماعيل هي الرؤية الدستورية والقانونية .. الراجل ده متهيألي الوحيد اللي ممكن يحول مسار مصر ويمشي بعد كده .. مش حيتبت في السلطة وده اللي محتاجينه .. صحيح جدا عند علاقات خارجية بس متهيألي والله اعلم مني انه عنده رؤية ..ازاي تعمل بدال ماتتكلم .. اللي شاف مصر من برة غير اللي جوة مصر وشغال واللي شاف برة اكيد حيكون دماغه متفتحة اكتر من اللي جوة 
انا لما برسم حاجة لازم ابعد عنها 3 متر واشوفها من بعيد عشان اعرف اقيمها مش صحيح ابدا انه مايعرفش حاجة عن مصر .. هو مش خواجة .. 

.............
خلاص خلصنا كلام ؟؟؟؟ اتمنى مايحصلش انقلاب عسكري بقا عشان حتكون دي القشة التي قسمت ظهر البعير  

Friday, November 11, 2011

هرطقة كيمياء الحياة

عندما اتفكر في حالي .. يخال لي انني في امتحان ..وانني كأي مخلوق من البشر .. 
واذا نظرت بعين الانانية اعتقد انني في هذا الاختبار وحدي .. انا الانسي الوحيد على الصورة الثلاثية الاحساس التي تسمى بكوكب  الارض وضواحيها من ظلمات مستنارة  
وباقي البشر الذين اراهم ما هم الا خليط من الملائكة و الشياطين المتصورين في صورة بشر 
فمنهم من يهديك ومنهم من يضلك 
فمجرد التفكير او القرب من احدهم .. يجذبك الى طريقه دون ان تدري .. فينضح عليك
بكل ما فيه من افكاره ومعتقداته واهواءه واسلوبه .. فبعد ان كنت مخلوق متعادل .. فتصبح اما قلوي او حمضي 
لتبدأ الصراع والتفاعل مع المجتمع الغير متعادل ..
منهم من تؤثر فيه .. وتؤذيه فتجعله يتأكسد
ومنهم ببعض العوامل المحفزة من الاحاسيس او الكره تجعله يتبخر 
فهذه النظره الانانية تجعلني وحيدا في الحياة .. وباقي الناس الذين هم ليسو ببشر ما هم الا عناصر هادية او مضلة 
فلكل منا شيطان يظهر له في فترة من حياته لا يعلمه الا الله 
وهذا الشيطان مجرد ظهوره في حياتي يجعلني اتسائل ثم احتار ثم اضل وهكذا
فبتطبيق الطريقة الابراهيمية في التأمل  
سؤال " لماذا عصى الشيطان الله .. وهو الله .. الم يدرك مدى قدرته مثلا ؟؟؟ لم لم يخسف به السماء ويقضى عليه وجعله يتحكم في ادمغة الوف البشر .. 
اينعم البشر بطبيعتهم عصاه .. ولكن السؤال الاخر لماذا خلقنا الله عصاه .. ( الجواب الذي خطر ببالي ..ولكل شيخ طريقة .. هو ان ينتقي من ينجح في هذا الاختبار ليكون المطيع .. والباقي لا ينجح ) حسنا ( لماذا لم يجعلنا كلنا مطيعين من الاساس كالملائكة .. فعلى الرغم من ان الملائكة مطيعين فقد كانو يخاطبون الله جل جلاله أتجعل فيها من يفسد فيها ويسفك الدماء  .. !!! اهذا شئ صعب ان يخلق الكل مطيعين... فنسكت عن الجواب لانه لا  يوجد اجابه نعرفها فهناك سر في البشرية لا احد يعلمه .. وقد لا نكون نحن اصل السر .. بل فرعه .. والمعنى في بطن الشاعر .. 
وقد يكون كل ما اقوله ما هو الا مجرد هراء ...فعقلي الضعيف لابد انه لا يستطيع الاستيعاب مهما وصلت قوته ..
قد يضحك بعض المتدينون مما سأقوله .. او يقولون اعوذ بالله ما هذا الفجر .. 
في هذا الوقت من حياتي التي اكتب فيها هذا الهراء .. لا اريد ان ادخل جنة او نار .. اريد فقط ان اعرف كيف تم خلق كل هذا
ما هو تركيب او كينونة سر الحياة .. كيف اتى ربي بكل هذا الابداع ... كيف قدره .. فأحسن تقديره .. 
اريد ان اعرف هذا ثم بعدها فالاذهب الى اي مكان فهو اعلم بي مني ...واختياره هو خير اختيار 
رأيت بعيني من يؤمنون برسالات انبياء 
ورأيت بعيني ممن لم يؤمنون برسالات ولكنهم يحتفظون بالاقتناع ان هناك اله (على الاقل )
لكنني اتعجب حقا ممن لا يقتنع بوجود اله خالق لكل هذا ..
فالكل يرى الله .. موجود حوله في كل مكان .. يرى ابداعه .. في خلق كل شئ فهو .. موجود ... 
ثم اخرج  من النظرة الانانية في التفكير لنظرة توسعية 
تفكر في اننا ما نحن الا مجرد خليط من بشر متشابكة مصائرها .. ومتشابكة في اختبارها ايضا .. ولكن كل بطبيعة اختباره فلا يقوى احد منا على تحمل اختبار احد اخر .. فالكل مستقل وغير مستقل 
ومع هذا الخليط ايضا اساس الاختبار بين الملائكة والشياطين .. الذين هم لا يبدون لك كملائكة وشياطين .. 
فتراهم امامك بشر
وتسلم انهم بشر
وتتبعهم لانهم بشر
فتصيب وتخطأ لانك بشر 
وبعد ان يتم خداعك .. تعود .. لانك بشر 

Thursday, October 20, 2011

و دا مات في حادثة ولا لزق في جزمة !!!


لست  ممن يشمتون من موت احدهم  حتى لو كان الواد المجنون بتاع ليبيا ... كما لقبه السادات 
وبما ان العين بالعين والسن بالسن وكما تدين تدان .. وبما ان القذافي كان عامل فرح يوم مقتل السادات ومتشفي فيه 
يحكى ان بلدا ما من 5 حروف معكوسة .. كان لها حاكم .. سماه الناصر امينا للعروبة .. التي تحولت بعد موته من شابة الى كركوبة
قاد الناس على ثورة ليقلد ثورة الناصر .. على ملك كان قد بلغ من العجز ارذله .. ادريسا 
وظل  يقنع الناس بالديموقراطية وانه الحاكم والعادل .. وكان مفعوله افظع من ريد .. فظل يتوغل وينتشر ..ويستمر ويستمر ويستمر 
دون حكم احد غيره لينثر شباكه على مقاليد هذه الدولة 
فحول عملة ليبيا ..وسحب المال من اهلها.. متحججا بالعدالة.. ولولا البترول ظهر بعد ذلك .. لشحت اهل هذه البلد 
فهي بلد صحرااااااااااااااااااااااااااااااء ..شاسعة على اهلها ..مقسمة في وجهة نظري الى شعبين .. الاول شعب شرقي قريب لاهل مصر متفتح  ومستنير .. وشعب في الغرب عاجز عن التفكير ..غير قانع بالتغيير 
قد يكون القذافي ديكتاتورا .. ولكني استعجب لمن يؤيده حتى الان منهم 
ففي مرة مؤخرا بعد سقوط طرابلس العاصمة في ايدي ثوار ليبيا .. اذا بي افتح البالتوك ..وادخل على احدى الصفحات الليبية ..
واذا بي ارى اسم صفحة .. الله ومعمر .. وليبيا ويس !!! فصحت بأسلوب علاء صادق في صوت نحيف واذا بي اقول .. يا الهي ما هذا ؟؟
اماذال من يؤيده بعد كل هذا ؟؟؟!!! معلقا " ده مخلاش فيهم دكر " حتى حرسه الشخصي من النساء !!! يحتمي بهم ..بدلا من ان يحتمو هم به.. جواسيس على الشعب لصالحه 
ولا ادري ما هذه الجمجمة التي تمخمخ هذه المخاميخ ..فكانت له نزعة نرجسية .. مركبة ببرانويا العظمة ..
فدائما هو شاااااااامخ الرأس ذو انف عليا ..ينظر الى السماء .. ليس متعبدا .. ولكن متعظما 
فهو اصلع ..ذو باروكة كنيش ..ذو افكار جنونية ..ويزيد القابا على القابه ..فمرة يكون زعيم ليبيا قائد ثورة الفاشخ .. قصدي الفاتح من سبتمبر  ثم ملك ملوك افريقيا  فكيف لشخص بهذا التفخيم ان يحكم دولة عادية ... لا .. بل جعلها دولة تسمى الجماهيرية فهي متنزهة على ان تكون جمهورية ..وبذلك تصبح اول جماهيرية ... واخر واحدة ..
فطمس شخصيتها .. فجعلها مثل لون علمها .. ذات لون واحد بدون ملامح .. مقتبسا من العظيم توفيق عكاشة دقة وصفه ... فعلمها لون البرسيم !!! وغير نشيدها ؟؟!!! ليصبح احد الاغاني الوطنية المصرية ..!!! ولا اعلم لماذا ؟؟؟
فكان علمها الاساسي غاااااااااااية في الجمال قبل احتلال القذافي ..ونشيدها الوطني غاااااااية في الجمال .. وعبد الوهاب كان عامل معاهم احلى شغل ..
يا بلادي في جهادي وجلادي .. فامنعي كيد الاعادي والعوادي واسلمي .. ليبيا ليبيا ليبيا 
لماذا تم قتل القذافي !!!! الجواب سهل وبسيط 
من قتل يقتل ولو بعد حين ... وهذا الرجل قتل الكثيييييييييييير من معارضيه ودفن الكثير احياءا ..واغرق الكثيرين ..
ولم يسلم المصريين حتى الذين كانو يعيشون في البلد ويعمرونها اكثر من اهلها الاصليين ..فقد هرب جدي من ليبيا في زمن لو همس احدهم بأسم القذافي في سوء يتم اعدامه.. يبلغون عنه .. ويسجن 
فكان القذافي قوي مثل الرجل الاخضر والكتاب الاخضر .. الذي عذب الناس في المدارس والجامعات .. وفلقو الناس بيه ..
واظل  متحيرا ما معنى الديموقراطية الشعبية دي !!!! التي تترك حاكم 40 عاما ؟؟؟ ياخي اخص على دي ديموقراطية ؟؟؟ فرقت ايه عن الملكية ...
فيتحكم بها فردا مستنير !! مثل هذا ... حاول تغيير ايات من القران !!! بل كان يريد ان يبني كعبة في ليبيا .. لخلافه مع ملك السعودية !!!
ما هذا العقل المستنير ؟؟؟!!!
فكان الكل يحاول ان يجاري حالات النرجسية التي تمتلئ القذافي ..حتى المخلوع ..فقد كان يتهكم عليه في صورة تجعله يمتلئ تعظما على عظمته 
ولا استطيع الا ان اقول في النهاية الا قول سمير غانم في فيلم يا رب ولد 
.... تعيش انتا يا حج

Friday, September 30, 2011

كبري


ما اسوأ ان تكون كومبارس متكلم في حياة احدهم 
تتأثر به ولا تؤثر فيه
تكون سببا في حب اثنين .. كنت تتمنى ان تكون احد طرفيه
او تكون مجرد كبري 
بعلم او بغير علم
ان تكون وسيلة ولست غاية
تصل سبل ما كانت لتتصل بدونك
ليس لفعل خير بأرادتك
ولكن لتدمير امانيك رغما عنك
قد تسأل نفسك يوما .. 
لماذا احببت ما ليس لي به طاقة 
فقد وجدت نفسك يوما لم تكن تحب
وتتعجب على فعلك .. كيف كنت افعل هذا !!!
ولكن هو قدر محتوم 
وكنت انت حبر القدر 
الذى دون به حياة اخرين 
بعدما استنفذ حبر حياتك

Saturday, September 10, 2011

يا مصر جتك خيبة

>>>مصدر الصورة: بيدج الحملة القومية للقضاء على السارسجية على الفيس بوك.


يا بلد كركوبة ومابتسمعش
واذا سمعت مابتفهمش 
ب عشرين رأي والفين وش
كلام فيه شتيمه ونصه دبش
ماشية بموضة مابتركبش 
ترمي الدهب وتلم الطفش 
مهما تنضّف .. مابتنضفش 
..
لو جيت تبني زملاتك حيعضو رغيفك
واذا فكرتك .. يغِلو .. يكسرو مجاديفك
بلد هوجة .. وفي عز العَدلة معوجة 
ولا عامل ولا خوجة 
مأنتخين وطالعلنا كرش
...
ولا طموح ولا تلاتين لزمة 
يشتغل بس وقت الجزمة
يمرمغ نفسه في قرف الغُطرة 
انما في مصر مابيسلكش
...
الفتي ........ثقافة مالهوا 
براءة اختراع في الفهلوة 
يسقيك السم على انه الدوا
وفي الاخر تبقى انتا الجحش
........
يا بلد التخوين وعكس عكاس
يا بلد الكوسة والاحداث
وبعد ده كله فكرك انك  
من التقدم حتبقى قريبة !!!!!
هأ .. هأ
ياخي النه
يا مصر جتك خيبة 

Saturday, September 3, 2011

bella venecia


اصوات الاكورديون تداعب الاذان 
وتطوف حولك 
في طرقات تخلو من من السائرين 
يغمرها الدفئ تكسوها المياه 
اقواس وممرات 
وبيوت وحجرات 
وقناديل واضاءات
وفن يبعث الحياة
مستغنية عن عنطزة الرأسمالية
و نمطية الاشتراكية
مدينة تنأى بنفسها عن الانظمة الاقتصادية
وعن مشاكل الحياة اليومية
مدينة بمذاق خاص 
ولونين اثنين كسيا جدرانها 
وابهجا شعبها وزوارها 
لاتجد فيها اكثر من الرسامين 
والموسيقيين
وسباحة الزوارق بأذرع جدافين
اتمنى فيكي عيشة الدائمة 
ايتها المدينة العائمة

Sunday, August 28, 2011

بروتوكولات حكماء قوطونيل



بعد السلسلة الجبارة من توفيق عكاشة وعمرو مصطفى واحمد سبايدر 
عن نظريات المؤامرة والحلم الاسرائيلي اللي لو حصل يبقى على جثتي 
صحيح باسم يوسف الراجل قام بواجبه وزيادة 3 حبات مع توفيق عكاشة 
وبعد ما باسم يوسف اثبت ان رمضان صهيوني واستغفر ربنا على اللي صامه قبل كده
اتضح بقدرة قادر .. ان الاسرائيليين ماهم الا عبارة عن ناس اذكيا اوي مش بيتحركو حركة .. بسم الله ماشاء الله ..الا
لو كان قصادها مؤامرة بيعملوها ..
وبعد السلوجينز الكتيييير اللي في اعلانات مصر ..
عبر ميين قدك
واتكلم واشرب 
:D
و 125 !!!! كا تاريخ لاختراع الأزوزة
وعربية 128 كا ثورة الغضب ..
وان السوداني مش حيتبهدل تاني كان السبب في انشقاق السودان
دلوقتي بقا ..
اليهود بدأو يغيرو نشاطهم بعد ما عمرو مصطفى .. فقسهم
وبعد ان انقلبت ثورة 25 يناير العميلة الخائنة ..
على اسرائيل
قرروا ادخال قوطونيل لمصر ...لمنع تكاثر المصريين
خوفا من تكرار ثورة تاني
بعد فشل برنامج كريمة مختار الخائنة في تحديد النسل في الثمانينيات 
متحديين في ذلك جرجير توفيق عكاشة .. معلقين يبقو يخلو الجرجير ينفعهم 
..
تحليلي الشخصي لبروتوكولات حكماء صهيون .. كا نص 
بالنسبالي انا شايفه ان هو ده اللي في حد ذاته مؤامرة 
والموضوع اشبه بعمل الدجال في المدن الفقيرة 
اللي بحبة أونطة يوحيلهم انه بيقرا افكارهم  .. ويروح قايلهم حيجيلكو الوبا كمان سنة 
فا اهل المدينة من تصديقهم للحكاية ..
يعيو بجد 
مش لان الوبا فعلا جه ... لان نفسيتهم اللي مصدقاه هي ممكن تخلق ثغرات في مناعتهم لاحتمال دخول مرض مكانش 
ممكن يدخل جسم الانسان او يظهر لولا الحالة النفسية دي 
وتبدأ الناس تموت كمان .. مش لأن المرض خطير .. لا
..
لانهم هما اللي خافو .. 
فبساطة كده بروتوكولات حكماء صهيون بيفكرني بفيلم البيضة والحجر 
..
قمة الذكاء انك تربط الحقيقة الواقعية بالتخريف والاتصال بالجن مثلا 
.. 
بأختصار انا شفت 20 حلقة من سلسلة القادمون حسيت بقيئ
وحموضة وبطني كركبت 
وحسيت اني عايز ارجع من كتر الفشر 
حسيت اوي اوي انه ربط الحلم الاسرائيلي بعالم خرافي فاتصدقه 
.. 
سميها بقا زي ما تسميها .. حركات شلل للي بيقرا او بيسمعها 
حالة غيبوبة فكرية .. زيها زي لمس الاكتاف كده 
بأختصار انا ممكن اكتب واحد زية دلوقتي اخلي اسرائيل دي اكتر دولة في العالم فيها فقر واوبئة وجهل 
وتكون اكتر دول في العالم فيها دجالين 
ببساطة .. ممكن العب في دماغهم اكس او ... واحسسهم ان جفاف الماية في بحيرة طبرية ممكن يخليهم
اغنى دولة في العالم .. فا يجففوها بنفسهم 
او خليهم افقر دولة في العالم فايبذلو كل مجهودهم ان البحيرة دي ماتنشفش 
ممكن تقولهم مثلا .. انك بتزرع جوة الكيان الصهيوني .. في الكنيست ... ان شئت 
عيون وجواسيس  بتعطل نمو اسرائيل .. او وجود عناصر عميلة في المجتمع تحسسهم 
بالحالة اللي احنا فيها دلوقتي .. احساس ان مفيش فايدة ..انهم مهما اتعلمو او اتطورو .. العدو الازلي 
اللي هما العرب .. متربصين بيهم ..واننا كنا مثلا بنوهم كل السنين دي بالنجاح والتفوق
 ... علينا بحيلة مننا 
..
الموضوع اهبل مما يكون .. تتلخص في مثل شعبي

.. اللي يخاف من العفريت يطلعله ... وهما خوفونا من عفريت مالهوش وجود 
واحنا قلنا يامي
وبقا اعتقادنا انهم سبب نكبتنا 
وهما السبب في اي بلوة تحصلنا .. او اصبحو الشماعة اللي بنعلق عليها فشلنا 
لاننا اللي بطلنا نتقدم .. مش هما اللي بيتطورو 
واكتفينا .. بالافتخار والفشخرة بالفراعنة .. اللي من 7000 سنة 
والعرب اللي 1000 سنة 
والبكاء على الاطلال ..
يالا عيطو معايا 
احنا كنا 
اهيئ 
احنا كنا 
:D
...........
الموضوع حله ابسط مما يكون 
ورقة وقلم .. ومقابلة شخصية 
اي فكرة .. مهما كانت عبيطة .. اولها ورقة وقلم 
عجبتني اوي مثلا فكرة محمد خضر .. والناس ممكن تحبطه بطريقة وهميييييييييييييييييييييييييييييية
ويوصل في الاخر ان مافيش فايدة ..
لاننا الشعب الوحيد اللي عندنا كلمة مستحيل ..
انا جايلي فكرة دلوقتي .. عايزاقضي على الكهربة .. 
واخلي العربيات بتمشي بالتلوث .. والعادم بتاعها يبقى اكسجين كمان 
مافيش مستحيل ..
اصل مدام كلمة ازاي بتجري ورا دماغنا يبقى عمرنا ماحنعمل حاجة 
في اليابان اخترعو عربية بتمشي بالكهربا .. بالشحن .. يعني الصبح تقول لمامتك معلش ماما ممكن اخد العربية بتاعتك
عشان العربية بتاعتي في الشاحن ؟؟
هي الفكرة 
i just do ... to do 
مش
do to be 
>>>>>>>>>>>
والموضوع ممكن يجي بالصدفة ..
وما اكترها صدف صنعت ابطال ..
...
حاول واتوكل 
جيب ورقة وقلم 
فكر 
وشخبط 
ونفذ 

Sunday, July 17, 2011

كم اتمنى

كم اتمنى ان تعيدها لي .. بعد ان اضعتها بحماقتي
فمثلي كمثل الاعمى الذي يستشعر اللؤلوء بأنه زجاج 
ليس له قيمة .. وهو اغلى من الذهب 
لازلت اجهل معاملة النساء .. فلست انيقا او وسيم او مطلع بنفوسهن
ولست حسن القول .. قد اجيد فن الكلام ..ولكن بدون ضغط نفسي.. فأنا امامهن اخرس ..
لا استطيع سوى الاشارة .. ان استطعت 
ولا اجيد كتابة سناريو للحب .. فأتركها .. تيجي زي ما تيجي .. ان جت
فلا استطيع تمثيل المواقف ..
اسأل السؤال .. هل تقبلين او لا تقبلين
فقد كنت اعلم انكي لم تعرفيني عن قرب وقتها 
فخجلت حتى من نطقها على الحقيقة ..
فضعتي من يدي .
كما تضيع اللعبة المحبوبة من اهمال الفتى الاخرق 
لا استطيع الا تمني السعادة لها ..
ان كانت مع غيري قبل ان تكون معي 
فليس للاهمال عقوبة سوى الحرمان 


Wednesday, July 13, 2011

صباع الخير

بعد الاشارة الرائعة .. من الصوابع الطخينة ..والزعيق العنيف ... والطريقة الصادمة التي تذكرني بأفلام الاكشن 
 ورفع الحواجب اسوة بفريد شوقي وهو صغير ايام ما كان شبه حرامية السيما ..
اثبتلي موقف اللواء الفنجري .. جملة ان مافيش حاجة بتفضل على حالها ..
والاحترام ما بيدومش .. فا الايد اللي سلمت سلام عسكري للثوار .. هي هي نفس الايد اللي طلع منها صباع الخير .. الذي سيطرح على   مسيرة مصر الملتوية سلوك طريق الى الهلاك 
مش عارف اسرد الموضوع ازاي بس حسيت فعلا جملة حزالئوم لما كان بيقول .. انا حبيت احط التاتش بتاعي .. وتاتش المصري بسم الله ما شاء الله .. تاتش وود وكله ورود
فالمصري اعيزائي القارئين .. اعطى البعد الثالث للزيجزاج .. واثبت ان له كتله وحجم وابعاد .. وبعد رابع وهو بعد الزمن 
كان صاروخ الثورة المصرية منطلقا ببنزين 90 وكان طالع لفوق .. من الواضح ان حد وقفه بعد ما انطلق ب 5 ثواني وشال البنزين .. وحط بداله ماية ساقعة 
بينما ارى صاروخ تونس محلقا في الافق .. اقله مش بيحصل عندهم زينا ..
شفت خبر تونسي بيقول عمل لجنة تأسيسية لعمل دستور قلت ياسلااااام هي دي الناس اللي بتفهم .. حيعملو الدستور اللي حينتخبو على اساسه .. وبدأو بالعقد اللي على ماية بيضة عشان اللي يخون بعد كده يبقى الحق عليه ويستاهل ضرب الدزمة 
بينما بلدي الحبيبة .. قام المجلس العسكري .. العلامة .. بعمل استفتاء .. تسبب في فتاء .. للقوى الشعبية 
وزاد الطين بلة .. لما اتبعه بأعلان دستوري .. طب استفتيت ليه لما انتا حتعمل اعلان دستوري ؟؟؟؟
ولا هو ودنك منين يا جحا ؟؟
 وزادت الهجايص يوم بعد يوم .. الى ان ظهر التهجيص الكبير .. وهو سبع البرومبة  العيسوي الذي انزل نعي بأن الشرطة .. وزارة الداخلية ..رضي الله عنها .. قد توفيت الى رحمة الله يوم 28 يناير  .. ده على اساس ان القناصة اللي كانو بينشنو على دماغ الناس وامن الدولة دول من الكائنات الفضائية او انهم تبع وزارة الري .. 
وعلى اساس ايضا ان ابويا هو من فتح الباب للسجناء 
وان السبب ان مافيش شرطة كافية  وعدم نزولهم .. بأوامر .. ده كان على سبيل قمصة الشرطة اللي المفروض اننا نطبطب عليها !!!!
ونقولها معلش يا بطة .. انزلي 
و جاء تعبير صارخ في اذني .. ان كانت ثورة يناير .. " كارنافال " وحيرح لحاله .. وحيرجع الوضع للاول .. وكان التصريح ده ضمن سياق كلام .. لحزبي وطني .. اوي
وما اراه .. ان لما الشباب كانو قايدين المظاهرات والثورة كانو ناجحين جدااااااااااا .. ولما مسكها  الكبار والكهول واصحاب التعليم المضمحل .. تحولت حنطور ..بيركب عليه كل واحد شوية .. لحد ما الحصان شحر او ...... لا بلاش

واراء الناس غريبة .. ولسان حال كل واحد .. كأن رأيه هو الوحيد اللي صح والباقي اللي غلط .. حتى انا .. وتعليقا " الناس الناس " انا مش عارف هي " الناس " عايزة ايه ؟؟؟؟ وكأن الناس دول هو مش منهم  او كأنه كائن تاني .. او حرام عليهم المطالب اللي بيقولوها  او التهديد والترهيب بالمقولة .. كفاية بقا .. ويكأنه لما حيقول كفاية ل2 او 3 الشعب المصري كله حيسكت او دي بمثابة اشارة انهااء الاعتصام لما عم حزومبول ده او ابلة الناظرة دول يقول كفاية بقا فيخر لهم الكلللللللل ساجدا ويقول ياااااااه كفاية بقا
....
او بكلمة اخرى تثير حفيظتي وهي كلمة فوقوا .... وكأن حبوب هلوسة القذافي الشعب كله بيتناولها معادا الشخص ده .. او ان الناس كلها مغيبة معادا هو النبي الوحيد ومن يرى الحقيقة بوضوح ويطلب من الجميع ان .. يفقواا

ويظل الاسفلت المصري ملتويا زي الزيجزاج .. وتحتار العربية .. يا ترى ده يمين ولا ده شملة.. 
وبدال مالصاروخ يمشي في الخط المستقيم .. بردو مصر ليها التاتش بتاعها ومابتحبش تقلد .. يا واد يا شخصية .. وعاملين صاروخ بيرقص وبيطلع بسرعة سالب 10 سم لكل اسبوع ... 



Sunday, June 19, 2011

البن البرازيلي ..صلاح سالم


فتحة باب خشب بأزاز 
والرجل اليمين بتخش المكان 
أنتخة على كنبة حمرا 
هاند فري و اغاني جاز .. و كابيتشينو كراميل سكر زيادة
في كافيه البن البرازيلي (صلاح سالم)
ورقة وقلم والوحي نازل 
وقلمي بينهج من كتر الكتابة
مشاهد بتجري قدام عينيا
انماط للناس 
طبقات و طاقات
وهدومهم واجهة لبيئتهم
احساس غماقة الارستوقراط 
احساس بهيافة المتشبهين
واحساس بطبقة المثقفين 
ولون فنلة البرازيل .. بيقطعلي مود المكان
بار ..
الكبايات بتتزحلق عليه 
وتبوس شفايف الزباين 
وتنقل للكباية الاسرار
ومع كل غسلة بتتغسلها 
بتطهرها من الهموم 
والشمس بتطلع كل يوم
وترمي نورها على الازاز ..
وفتحة باب خشب بأزاز 
والرجل اليمين بتخش المكان
وانتخة على كنبة حمرا 
هاند فري واغاني جاز .. وكابتشينو كراميل سكر زيادة





Saturday, June 11, 2011

Thursday, June 9, 2011

شوكة و سكين


ما الحياة الا وجبة شهية 
يسليل لها لعاب الناظرين 
ينظر اليها المحروم منها 
ويقول يال حظي اللعين 
أناس تأكل بيدها وتلغوص في الصحون
واناس يأتي طبقها مزين للعيون
وشرب النبيذ لذة معه الهم يهون
تأخذ نصيبك وتشبع وتدفع الثمين
حتى ترضي غرور كرشك البدين
وترضي اطماع شكلك اما الحاقدين
وتقطع من نصيبهم بالشوكة والسكين

Wednesday, June 8, 2011

فنلة داخلية .. حبلص




فنلة داخلية .. محمية بنسور ونجوم مضوية
على كتف كت .. ومن الزنوب وقع وانحط
مناخيره اطول من بينوكيو .. بعقده عالغلابة نط
فاشل ساقط ثانوية
عااااار ..50 في المية
يركب ويدلدل رجليه عليا ؟؟؟
ويتضربله سلام ويتقاله باشا ؟؟
اومال يتقاللي ايه وانا 95 في المية
اه يا بلد "كانت " رتب ونسور .. حامية حرمية في قصور
ماشيين بيغموا الحمار  وبيسوقو الحنطور
والحمار مقهور !!!!
يا حبلص يا ابن مابلص .. ودان امك حتتملص
من شعب عمره ما حيخلص .. اهانة وتشفي في الدبور
يا ضابط هفية ومغرور
بكره حيبقى عليك الدور
وتعترف انك طرطور
وفنلة داخلية مقطعة


شاي بحليب


في مج ابيض 
وفي ركود الشاي
ويتلألأ اللون الذهبي في مناخ اسود
ويظهر صفاء الماء 
يعبر عن مذاق السكر 
الغارق في الاعماق 
والمتحلل في دوامة ملعقة نحاسية 
وبعد الهدوء الاستقرار
هطل على المج الاستعمار 
واخذ يأسر حبات الشاي وتصارعان على ملك القاع 
حتى يضيق باللبن الانفاس فيصعد الى اعلى
ليستنشق الاكسجين ويبدأ حملته للسيطرة 
ويقتل اللبن في الشاي السواد ويقتل الشاي في اللبن البياض
حتى يتعادل الخصمان ويستقل كل بمملكته 
وفي الوسط الحياد 
ثم تأتي قوات الشعبية ..متمثلة في الملعقة النحاسية
مرتدية عمة وجلباب .. 
وتأتي للصلح بين الاحباب ..
وبملعقة الايام يستمر التقليب
حتى يغلب اللون البني .. على الشاي بالحليب 

ثلاثين يوم تدوين



بعد مرور 8 ايام من شهر 6
 ..
قررت الدخول في حملة 30 يوم (الا 7 ايام تدوين ) على امل المواظبة 
لاني من اول الشهر مكتبتش غير تدوينة واحدة
وباقي 7 تدوينات ححشرهم معايا على مدار الايام اللي فاضلة 
 بسم الله توكلنا على الله  

Friday, June 3, 2011

عزيزة

داري وشي وعري جسمي ساعتها .. مابقاش مكسوف 
ولو شافتني كل الدنيا .. المهم انا عمري اشوف
 في عيوبي مابشوفش عيوب .. حتى ان كان الكون مقلوب 
ليه بتحكمو عالصورة حالتها وتهمشو شئ اسمه قلوب 
بتعشقو في السوبيا بياضها وتذمو سواد الخروب
وكل واحد ليه ستايلو والاتنين مافيهومش عيوب
>>
 ياللي مخاخكو ملفوفة في ملاية ..انا ديني مش تحت وصاية
ليه لازم اكون اخواني او وهابي .. دي رمز هداية ؟؟؟
انا مسلم وعليا كفاية
اخواني بأسلامه ذاللني .. يحرق يلعن .. طب مانا مسلم .. مين ده عشان يمثلني !!!؟؟؟ 
واذا كنت مش ماشي في هواه او حتى بعاتب على فكره 
 يحل لنفسه انه يكفرني .. ماهو واخد اسلامنا لحكره 
ولو اعترضت عليه شخصيا فابكده انا ضد الدين 
هيهيهيئ والنبي طيرو باللالين
 >>>
يا حضرات  السادة الاخوان 
ماتبقوش زي الالمان 
شايفين نفسكو ارقى سلالة 
واشجع ناس وانتو الثورة 
وبالنسبالكو الباقي جبان
>> 
والكلام  ليكو يا سلفيين 
مش سلفي يبقى انا ضد الدين ؟؟؟
طب ماحنا كلنا سلفيين 
بس بينا انتو مش معترفين 
وشايفيننا من الضالين 
وانكو انتو الوحيدين اللي عندكو اصل الدين 
وبقى بعضكو يحلى في عينه النفخة الكدابة 
ونازل في الباقي معايرة
ممكن ربك يرضى عليه ويخليك انتا حياتك طايرة 
ويوقفلك المراكب السايرة
...
يا عقول ما كفاية تقسيم 
واتناقشو بنفس صفية 
ماتوزعش على الناس تحريم
وتفرض عالكل سوء النية 
اتعودو ازاي تختلفو .. منغير ماتقوم التغليظة 
ولو اتغلبت في المناقشة بلاش تقلب الطرابيزة
علشان تطلع شكلك كسبان .. بدال ماتطلع بنفس عزيزة

Thursday, May 19, 2011

اوقات فراغ

اوقات فراغ .. واحاسيس كتير ماتتوصفشي 
ناقص دماغ .. وافكاري عاطلة مش راضية تمشي 
وسدود كتير موقفة طموحاتي وحلمي 
وكتير في منها خيالي واكتر منها علمي 
ادي قصة فيلمي 
..
كل ماجي امد ... طريقي محفر يكعبلني 
ولما بكون بشد ..على نفسي ..طاقات الناس بتغلبني
مبقتش قادر ابني ..
هموم غيري بتكأبني 
..
انجازات .. وبوسترات على المجلات 
قد ايه بطاطي ل..جيوب كتير غارقة كاشات
ابوكو السقا مات 
...
من دلوقتي .. حدي للدنيادي ضهري 
حآمن بقدري ..حفتح لقلبي القفص الصدري 
حمسك فرشة والون عنيا واشوف الدنيا ملونة 
حكون عارف انا عايز ايه بدال ما استنى 100 سنة 
...
الفرصة دي فرسة ولجامها فالت 

Monday, April 25, 2011

الوان فلوماستر

منذ حدوث الثورة المصرية وتجد الوانا والوانا منها الاسود المكتئب القميئ الذي لايوجد على كوكبنا بل في الفضاء ومنها الاسود الذي يجمع كل الالوان مع بعضها ويعطي لونا مختلف عنها جميعا ومنها الابيض الصافي النقي الذي لا يشوبه شائبة و منه المتلون 
على كل لون مابين قوسين "الشاب القوس قزح " ومنها الملون صاحب الشخصية والفكر الزاهي بلونه

فاصحاب الرأي كانو كثر في هذه الاحداث المبينة للنوايا .. فأصبح الاعلام الذي كان محل ثقة والمدافعين عن القضايا في لحظة منافقين للنظام ومشوهين صورة الثوار وسقطت عنهم العباءة في الماضي واصبح رجال اعمال هذه المحطات في لحظة من 
مستثمرين لعين المتفرج لمستثمرين لعقل المتفرج بنقودهم للدفاع عن كشف عوراتهم

وظهر المتلونين .. الذين اينما تذهب تجدهم معك يخدمونك وتظنهم جدعان وصحاب واجب وبيفعلون ذلك لنيل الثواب ولكن الخدمة محض سلاح لترد الجميل فاللي ماتحتاجش النهاردة لوشه بكرة تحتاجله في الانتخابات في اوقات يقول سأفعل ذلك واوقات يعود لنواياه السابقة .. والحدق يفهم .. واللي مش عايز يفهم حيفهم العكس

وهنالك الصراحة .. فإذا كان ينوي ان يفعل شيئا فيقول عنه قبل ان يفعله بكل وضوح وتظهر سقطاته في التخلي عن وظيفته للوصول للسلطة فإن عارضته فأنت تعارض ارادة الله وان لم تعارضه فانت مطيع لله .. وحسبي الله ونعم الوكيل

وتظهر الروبيضة .. التي تتحدث في امور العامة .. ولو تبصلها تقول اشطة ايه المزة دي .. قولي يا مودام .. على الرغم من تفاهتها ..وشعرها الكيرلي .. الذي يذكرني بالمكرونة الحلزونية ..لكن قشطة رب نظرة نافعة

ويظهرال"سبايدر مان" .. في فترينة المتفرعنين ليشرح المعنى الهلامي للماسونية و يفضح قائلا عن وائل غنيم الذي فعل له خرم في رأسه ..على حد تعبيره .. اذا كان المدير الاقليمي لشركة جوجل بجلالة قدرها بغض النظر عنه شخصيا بيتكلم عنه هذا الرجل العنكبوت ... يبقا عمار يا مصر

ونكتشف يا سبحان الله .. ان طبقة المثقفين قبل الثورة .. غير طبقة المثقفين بعد الثورة .. وغير طبقة المثقفين المنطقية
طبقة المثقفين قبل الثورة .. كانت متمثلة في الفنانين ايا كان فنان او مدعي ..وغالبا بيكون مدعي .. فالفنان الحق يعبر عن الناس ..الممثل الصح اللي يمثل للناس .. مش يمثل على الناس وطبعا دول ظهرو كتير على التليفزيون ايام الثورة

طبقة المثقفين بعد الثورة .. طبقة من الكتاب و المهندسين ومخططي المدن والادباء والشعراء والمغنيين للشعب .. بصدق ..وكأن الثورة كانت في الاصل ليست ثورة سياسية بقدر ما هي ثورة فكرية .. ولكن مثلما كانت توضح المثقفين الحقيقيين كانت تبين مدعي العلم و الجهلاء

ولكن الطبقة المفترض ان تكون هي طبقة المثقفين هي الطبقة من المتوسطة وجزء من المرتفعة .. وهي الطبقة المفروضة لاي مجتمع والتي تدمرت في مصر .. واصبحت الطبقة المتحكمة الطبقة القليلة والتي تنقسم الى قسمين اما قسم فقير لا يحسن الاختيار والتعبير عن رأيه .. والذي يتجه الى ضابط الجيش في الاستفتاء الشعبي السابق ويقول له ... ماذا اختار ؟؟؟؟؟؟ فيجيبه الضابط .. اختار ما تريده .. فيجيب "اصلي مش عارف "

والقسم الاخر .. هو اما ان يكون حمادة كلاكس او الشيخ حظلمة  فلا ثالث لهما ... فماتت الوسطية في عهد الحرامية
ونعم لنصرة الاسلام ..والاسلام ليس له ادنى علاقة بالاستفتاء الماضي .. فا بوسة كبيرة وحضن كبير فنحن في نظرهم فاسقين ونحتاج لمن يهدينا .. والذي يتمثل في شخصه .. كان من يربي ذقنه في الماضي الشخص المهتدي السني حسن الخلق  .. لكن الان ارى انه يطغى عليها الصبغة الفذلكية الشكلية فقط والهدى الفرضي على الناس ..من وجهة نظره  
ومات الازهر .. الازهر الابيض .. فظهرت الالوان الغريبة عن مجتمعنا المصري سواء بالسلب او بالسلب ايضا فالايجاب في الرأي يضمحل
وياحبذا من مستغلي المصالح في الانتخابات .. يقول سنفعل سنفعل سنفعل في الماضي و الماضي مر والحاضر وهو يمر والمستقبل بدون ملامح وما هو بفاعل .. ولا مفعول به
ويا حبذا من ديكاتور اكثر .. يسمع الانتقاد فيضرب به عرض الحائط .. لا من متواضع ذو رؤية

في زمن يتم الهجوم فيه على المتواضعين ويحب الناس القائلين لا الفاعلين .. فقد لا يكون من يحسن القول الا اكبر الفاعلين  
نريد اللون النقي .. نريد اللون الشفاف .. نريد الالوان الصريحة الغير ملوثة او متلونة .. او الغير ديكتاتورية
نريد ان نعيد النظر في لوحة رسمناها بألالوان زيتية فجف زيتها .. وتشحم .. واسود مع الزمن حتى اصبحت لوحة سوداء ذات نقطة بيضاء وهما الاثنين ليسو الوان  
نريد الوان لا تتغير وتبهج المنظر ... نريد الوان فلوماستر
بكيبورد : محمد عبد المنعم عطية   

ايه رأيك في مدونتي؟؟

ياما في الجراب يا حاوي


MusicPlaylistRingtones
Create a playlist at MixPod.com