الخباز الفصيح .. شئ مشرف

يا بلدي متصدقيش

كل يوم بيعدي بكرهك يا مصر

كرهي للبلد دي بيزيد يوم بعد يوم ...

كرهي للناس اللي فيها ... الناس اللي بتفتي وخلاص .. والناس اللي عندها عنطزة ونفخة كدابة ... والناس اللي عندها جنون العظمة ..

والناس اللي بتخبي الحقايق .. والحرامية

بقترح اننا ان احنا اللي ندي معونة لامريكا واوروبا مش هما اللي يدونا .. لاننا طلعنا اغنى دولة في العالم ..

في الوقت اللي طلع فيه وائل غنيم البطل .. هو هو اللي طلع فيه خاين

واصلا مليووووون واحد متربص بيه وبيلفقوله تهم .. مرة بماركة تيشيرت اشهر من نار على علم .. وموجود في شعار الدوري الانجليزي .. و حظاظات الخضراء .. التي تعني الخير ... على انها ماسونية وكفر واعوذ بالله

واحساس العواجيز بأنهم عايزين يثبتو لنفسهم انهم لسة شباب .. وبيقولو اييييييه احنا حنسيب حبة عيال تمشينا ولا ايه ؟؟؟؟

يا رااااااااااااجل مانتو ممشينا بقالكو قروووون ... خدنا ايه ؟؟؟ بطالة فقر واسطة رشوة وكوسة وتزوير

واللي لسة لحد اللحظة دي معتقد ان الثورة دي مؤامرة على مصر .. من الحاجات اللي ماتنفعش تجتمع مع بعض ابدا ...

اسرائيل وحزب الله وحماس وايران وامريكا والجزيرة ...

والرأي العظيم اللي بيقول اخوان ... وبيوزعو عليهم كنتاكي ... سبحان مين جمع الاخوان وكنتاكي

ومش فاهم مين العبقري اللي رجح حكاية كنتاكي دي واصلا كنتاكي كان قافل ايام الثورة ... ومقدروش يتهموهم في محل انضف من كده ؟؟؟؟؟؟؟؟

طب يتهموهم في هارديز مثلا ...

والست البسيطة ... اللي بتقول لا دول مش مصريين دوول بياكلو شكولاتة ....وحاجات غريبة

... احبااااط ....

عندي احساس ان الناس اللي هنا لازم يتباااااااااادو كلهم بمافيهم انا لاني مبقتش طايق ريحة الارض دي ..

في وسط بلد اللي عنده ذرة ذكاء سافر برة ...

نجى بنفسه ..

دلوقتي بقت في نظرية التحدي ...

اهو بقا شفتو اديكو حتبوظو البلد ..واراهنك حتبوظ على اديكو ... حتخربوها بالثورة الله يخربيوتكو .. مصر بتضيع ... اااااااااااااااااه

و عياط .. زي الاخ طمورة من غمرة

كمية فساد في البلد ....

تخلي الواحد في لحظة تجلي .. يقول الله ؟؟؟؟؟ اومال مين في البلد دي شريف ؟؟؟؟

الرئيس فاسد

واللي تحته فاسدين

واللي تحته

واللي تحته

واللي تحته

...............

مافيش حد كويس ...

يا شعب الوسايط .... يا شعب الرشاوي ... يا شعب الفرحة بالزور ..وفي الاخر تقول يا عم الشعب المصري ده كده

كل ماقول اهو يالا بقا ... البلد حتنضف .. بيتضحلي العكس ..

.....قناة المحور بأكملها لازم تتعدم ..مرتضى منصور ده يستاهل الدبح ...

جريدة الاهرام لازم تتعدم

صفوت الشريف لازم يتعدم

فتحي سرور لازم يتخزوق وبعدين يتعدم

انس الفقي لازم يتجلد ويت ..... وبعدين يتعدم

جيمي حبيب بابي ..مش في السجن لحد دلوقتي ليه ؟؟؟؟ ده هو اللي كان الحاكم الفعلي لمصر في ال5 سنين دي

ان جيتو للحق .. احقاقا للحق .. البلد دي كلها لازم تتعدم ...بأكملها ...

المصري النضيف هو اللي سافر برة وعايش بقاله كتييييييييييير اتطبع بطبع الناس المتحضرة ..

المصري النضيف احد حلمي في فيلم عسل اسود .. مصري سيد العربي

لو حصل تصفية لشعب مصر اللي المفروض يكون على قيد الحياة .... حيكون 20 الف نفر .. من 88 مليون

....

جالي احساس باليأس لان النظام لسة مسقطش ........

اللي سقط هو الشعب

اللي بيقول هو مش سابلكم الحكم .. عايزين ايه بقا ...

....

انا عن نفسي مش عايز حاجة ... انا عايز امشي من هنا

واللي حيقول المركب اللي تودي وفي داهية ........................ حيكون كده بيدعيلي بالخير اني اعيش وسط ناس احسن ...

لو عندكو افكار تخدمو بيها مصر وتصوتو للافكار المطروحة

http://www.google.com/moderator/?hl=ar#16/e=581e0

ساعد لرقي بلدك

احنا رحنا بلاش ......

بكتب دلوقتي وانا واقف في النص ... ولا مع ده ولا مع ده .. لاني بصراحة حتجنن ...والاصوات كلها متعالية بدون تفكير مؤيدة ومعارضة

شهدت مصر عملية حسابية معقدة في معادلة كل حلولها صح

المعارض صح ... عشان عايز حسني مبارك يمشي بقا وكفاية واتظلمت الناس كتير في عهده وانا عندي 20 سنة .. كان المفروض يعدي عليا 4 رؤساء.. وده من حقنا .. لان ابهاتنا نالو الشرف وعدى عليهم 3 رؤساء ..ومنهم عدى عليهم 3 رؤساء وملك ..

هو صحيح كلهم بلا استثناء مش بأختيارهم .. بس اهو .. اضعف الايمان

وبيعتبر ان لازم الرئيس يمشي دلوقتي .. لان مافيش حاجة اسمها ثورة تستنى .. وده لان الشعب مخون الرئيس ومبقاش واثق من الوعود

والمؤيد صح.. ودول نوعين ..

نوع اول .. مؤيد وعايز الرئيس يفضل لحد مايموت ..وبيتعامل معاه .. كأب .. مش كارئيس .. وانا مش فاهم احنا ليه مش بنعامل الرؤساء زي المدير الفني لاي نادي .. رغبة في المقام الاول لمصلحة النادي .. وبيعتبرو تغيير الدستور و عدم ترشيح الرئيس نفسه نوع من "التنازلات " وانا مش فاهم ازاي بيقول كده .. لان ده حقنا من قديم الاذل وهو اصلا مش واخد باله انها حاجة مفيدة

بس حنعتبره صح .. لانه في الاول والاخر رأيه

والنوع التاني ..مؤيد للخطاب .. ومش مؤيد للرئيس نفسه .. وقال اهو نصبر .. يمكن ....ولو محصلش يبقى حننزل تاني واشرس من الاول ..ومش بعيد تقوم حرب اهلية .. بجد .. مش زي دلوقتي ..وحيكون ضحاياها ناس كتيييييييييييييييييييييييييييييير اوي

ولكن للتأييد نظرة تانية .. ان التغيير في الدستور .. لايكون الا من مجلس الشعب وبموافقة الرئيس نفسه وليس نائبه ..يعني وجوده خدمة .. غير كده في ناس بردو شايفه انه مايمشيش دلوقتي ويمشي بعدين عشان كده اشيك على اساس انهاشايفة بردو انه كان في حرب اكتوبر وطابا ولابلابلابلابلا ..

و ده كان سبب في انشقاق في الصفوف .. لان ناس بيقولك دول خربو بيتنا ولازم نضرب العيال دي .. واللي في ميدان التحرير بيقولو دول بيمثلو وبيحاولو بس يوقفونا وباعتينلنا بلطجية... سواء ده مفتعل او طبيعي

واللي بينجو من الخناقة دي ...نوع تالت خااااااااااالص .. اسمه ماليش دعوة .. وده بينقسم لنوعين

اول نوع .. ناس مالهمش دعوة بالموضوع خالص.. ويقولك يا عم انا مالي .. البلد تولع .. اشطة تولع انا ماليش دعوة .. ياكشي يموتو كلهم

والنوع التاني .. بردو ماليش دعوة .. بس ده الناس اللي فاقو بعد المصريين ما حصلت المعجزة وضربو بعض

ونوع رابع بيقولو انهم مؤامرة من برة البلد سواء ايران او اسرائيل او امريكا او حزب الله او حماس

والحمدلله اعدائنا كتير .. والحمدلله بردو معندناش اصدقاء

ودول الشماعة اللي بيتعلق عليها كل حادثة في الدنيا

ده وانا ماشي في الشارع ومكتئب بقول لراجل انا حتجنن .. فضل يلك معايا على نظرية المؤامرة لما جنني .. وفي الاخر راح قايلي

تعرف القروش اللي في شرم الشيخ ؟؟؟

قلتله .. اه اعرفها

قاللي .. اهو الاسرائيليين هما اللي سرحوها لحد عندنا

ده على اساس ان سمك القرش بيتوجه بالريموت ؟؟؟؟؟؟؟؟ ولا انه ممكن انتا تنزله في حتة يسبها ويمشي في حتة تانية خالص ..

ولو افترضنا انها من برة .. بردو هما صح .. لانهم وظيفتهم انهم يدمرونا

اللي حاصل قدام عيني بقا عبارة عن ناس .. دماغها اتضربت في الخلاط ..مش عارفين ده صح ولا ده صح .. واللي هما زي حالاتي

.. لاني بقيت بشوف ناس بتهذي وبيقولو اي كلام وكلهم غلط ...ساعات يشتم ده ويكون مع طرف ..وساعات يروح لافف 180 درجة ويعمل العكس .. وهو ولا عارف حاجة هو تعب ومخة اتبرجل .. وشايف ناس بتتعارك وبتموت

لان المعادلة دي اول مرة تكون موجودة في الحياة

معادلة ليها اربع حلول وكل الحلول صح ...

لان ببساطة مافيش حد غلط ..

فبلتالي حصلت قفلة ..

وناس تقول على قناة الجزيرة صح وناس تقول لا.. اللي بيشوف الجزيرة غلط دي قناة اسرائيلية ..واللي عايز يشوف صح ويتفرج على التليفزيون المصري

والتليفزيون المصري في عز ما الناس بتموت يروح جايب فيلم كوميدي .. او يقول الحاجة متنقية ومش بشكلها المظبوط .. عشان تليفزيون الحكومة ...

واللي بيعوز يعرف الحقيقة مش حيلاقيها في القناتين دول .. لان ببساطة محدش فيهم صح

واللي بيجري على القنوات الخاصة .. التابعة لرجال الاعمال

وكل واحد منهم بيوصل الحقيقة على طريقته .. وبيلعب فيها لعب .. ومستحيل انك تشوف نفس القناتين مشتركين في نفس الحاجة

اللي بيعارض النظام .. بيقول من وجهة نظر المعاضة .. واللي بيأيد .. يا اما عبيط ومصدق .. يا اما خايف من الرئيس وخايف على صورته قدامه

وبالتالي الحقيقة مش صح

...... مافيش حقيقة ......

عايز الحق ؟؟؟ استنا يوم واحد بدون اي انفعالات ولا تفكير وبعدين ... فكر في الموضوع من اول وجديد ..

يمكن نلاقي حل ...

لمعادلة كل حلولها صح ....... بس بردو كل حلولها غلط