Pages

ماتقربش من حاجاتي لاتروح ورا الشمس وحلسوعك

ماتقربش من حاجاتي لاتروح ورا الشمس وحلسوعك

Monday, January 3, 2011

انا شامم ريحة احتلال

..لازم بما اني مصري اولا اسكندراني ثانيا مسلم ثالثا اني اقول كلمة حق
عندنا مشكلة ؟؟ اه عندنا مشكلة
عندنا مشكلة عدم تقدير الاخر .. عندنا مشكلة انتا لوحدك اللي صح وباقي الناس غلط ويستاهلو الحرق
كلامي على الملتين
بس اللي حصل من انفجارات الكنيسة ده اسمه كفر ..مايتقالش عليه غير كده
لانه قتل نفس بغير نفس .. ويستاهل القتل
بس هو مين ..؟؟؟؟ القاعدة ؟؟ اسرائيل ؟؟؟ امريكا ؟؟؟
ايا كان .. وايا كان ملته .. هو كده بقا كافر ..
اولا اوصى الرسول بالمسيحيين كتييييييير اوي
وفي في القرآن والسنة عدد مهول من الايات والاحاديث في تجريم حتى عدم الابتسامة في الوجه
نظرة المسيحيين بعد الحادث ضد المسلميييييييييييييين
دون التفريق للمعتدل والمتعصب فالكل عندهم واحد .. ودي اسمها حماقة للاسف
ماتتسماش غير كده ..لان في حاجة اسمها ازاي تمسك غضبك .. عشان تفكر كويس
واحد من صحابي المسيحيين ..قاللي القاعدة وجابلي فيديو واشطة ..
ماشي .. هي القاعدة دي ساكنة في البيت اللي ورايا ؟؟؟
المفروض اني اروحلهم شقتهم واقبض عليهم ؟؟؟؟؟
هو حد عارفلهم منطقة ؟؟؟؟ مثلا لما بيبعتولهم جواب بسطة بيجيلهم على عنوان ايه علشان نقضي عليهم بشرع الله على اساس ان من قتل يقتل ..ولازم يقع عليهم الحد ..لانهم هما بس اللي فاكرين نفسهم مسلمين والباقي اشباح ولاد كلب
اولا كل بنيآدم خطااااء
ومش معنى ابدا ان واحد بيبص بعنصرية ان الباقي زيه .. مش دليل ابدا .. انا معنديش السلطة الكافية اني ادخل في قلب كل واحد واعرف هو بيبص للموضوع ازاي
عندي واحد صاحبي للاسف ممكن لو شاف واحد مسيحي ينزل على وشه غضب ربنا وممكن مايسلمش عليه ويفضل قرفان ..
وانا مش فاهم ايه الحكمة الكبيرة من الموضوع يعني ؟؟؟؟
هل مثلا قرفك ده حيخليك تكسب ثواب ؟؟؟
ولما تكلمه في الموضوع ..وتقوله لو كنت فظا غليظ القلب لانفضوا من حولك .. يقولك انا مش النبي ومش حعرف اكون بأخلاقه
طب بتسوء صورتنا ليه وعامل نفسك لسان للاسلام ؟؟؟؟
بتاخد على كده ثواب مثلا ؟؟؟؟ انتا مين انتا عشان تبص على بنيآدم زيك باستحقار ؟؟؟ انتا مين انتا طظ مهما كنت
اصلا ده انتا لو قابلت واحد بوذي مش حتعمل معاه كده
وعمر ما الاسلام قالك تعمل كده ..
وحتى المسيحيين باصيين لايات معينه في القرآن على انها بتكفرهم ؟؟؟ وهي مش بتكفر حد هي بتنتقد
وبتقولك ماتعملش كده ....مش هي بتقول كده واحنا بنعمل كده يبقا بيقولو عليا ان انا كافر
مش دليل ابدا .. لان انتا ممكن منطقك يكون مختلف تماما ..
نرجع تاني لموضوع القاعدة .. صحيح من الواجب عليا اني احميك .. بس دي حاجة صعبة مش سهلة ابدا
ممكن تسقط هفوات .. بتسبب دمار كبير .. بس انا حتحاسب يوم القيامة على اللي بيحصل
اللي كلنا مسئولين عنه
لان قدام الكنيسة في وشها على طول .. مسجد
ودي كانت في النص ...ايه العبقرية في اختيار المكان دي ؟؟؟؟
حاسس ان اللي عمل الخطة دي مهندس معماري ..فجر في النص بس ناحية الكنيسة شوية
يطلعوا اللي في الكنيسة غضبانيين يروحو يكسرو في الجامع .. اشطة البلد تولع
وانتا قاعد تضحك
حتقولو يييه بقا اسرائيل وامريكا وحيقعديكلمنا عن نظرية المؤامرة ..
طب بزمتكو شفتو اسلوب اسفل من كده ؟؟؟؟؟
طب بزمتكو هو في تنظيم القاعدة في اي دولة تانية غير افغانستان والعراق .. اللي فيها الامريكان
ايه الصدفة دييييييي
طب هو في دول تانية بيحصل فيهم تفخيخ عربيات غير افغانستان والعراق
طب ايه الصدفة دي يعني
....
اصلا لو كان في فتنة بجد .. احنا بنتعامل بالسيوف والمطاوي .. الحاجات اللي بتعور .. مش الحاجات اللي بتفجر
اسلوبنا مش تفجيري ..الاسلوب ده مستورد
لاننا ببساط مابنعرفش نفجر .. لان معندناش علماء مثلا
احنا بلد في وضع جااااهل ... ومعهوش تمن العربية اللي يفجرها
صحيح الفلسطيني ممكن يفجر وهو معهوش فلوس
بس المتفجرات بتجيله من برا ... وده اللي حصل معانا
انا شامم ريحة احتلال
Post a Comment

ايه رأيك في مدونتي؟؟

ياما في الجراب يا حاوي


MusicPlaylistRingtones
Create a playlist at MixPod.com