بتونس بيك

ربع مقال سياسي فحت

..

دايما في الاسئلة المبهمة في الشارع المصري لما كان حد بيسأل سؤال ومحدش عارف يجوابه .. كان يتجاوب على السؤال ..بسم الله الرحمن الرحيم الاجابة تونس ..

ومحدش كان عارف الاجابة ليه كانت تونس دايما .. يعني ليه محدش كان بيقول الاجابة ليبيا مثلا

طلع ان القدر كان مخبي ورا الجملة دي .. تونس التي وقفت امام هالكها ..ففعلا تونس هي الاجابة

تونس كا دولة فقيرة .. بالنسبة لمصر ..

تونس تحتوي على جمال فوق الوصف ومباني غاية في الجمال .. وشوارع متخططة صح وعروض شوارع منظمة

والكلام ده كله في مصر مش موجود

اللي حصل في تونس عشان شاب .. واحد .. مكانش لاقي شغل فاراح مولع في نفسه

بينما في امي .. مصر .. عدد هلامي من البطالة والاعتراض والانتحار واللي ولع في نفسه واللي غرق نفسه واللي طفش

ولا حياة لمن تنادي

رئيس تونس لبد في الحكم 23 سنة .. اقل من واحد قريبنا بحاجة بسيطة

مصر مش بس فيها بطالة مصر فيها تعذيب وناس وسخة ودعارة وارهاب وازدراء اديان و جهل وعنف واطفال شوارع وفقر ضنك وحرامية بالكيلة

ومحدش واقفلهم ولا قالهم تلت التلاتة كام ..

ياريت الجمهور يخلي حسني ..عبد ربه .. يمشي من المنتخب بقا عشان اتخنقنا ..

يا يلعب كويس يا اما مش حنتأهل لكاس العالم وساعتها مقداموش الا دوري الدرجة التالتة.. او يلعب مع العيال في الشارع ..او الجمهور حيهيج عليه ويجيبله رباط صليبي ويفضل مصاب لحد اخر الموسم